le blog de feon-antsirabe

NIREHITRA NY AFO, KILA TANTERAKA NY EFI-TRANO ROA

NIREHITRA NY AFO, KILA TANTERAKA NY EFI-TRANO ROA
FITAOVANA MARO NO LASA LAVENONA

Kila tanteraka ny efi-trano miisa roa, ny iray efi-trano fitehirizana fitaovana (Magasin de stock) ny iray efi-trano fitehirizana ny atotan-taratasy ( Archive) etsy amin'ny Service Technique, na fantatrin'ny be sy ny maro amin'ny fiteny mahazatra hoe : VOIRIE, izay eto anivon'ny Kaominina Antsirabe Ambonivohitra.

Ny alin'ny Zoma 27 Oktobra 2006, lasa teo no niseho izany hai-trano mahatsiravina izany, raha arakan'ny filazan'ny manodidina dia mety ho tany amin'ny 12 alina tany ho any no niseho ity trangan-javatra ity, nanano sarotra ihany ny famonoana ny afo, hoy ihany ireo nanatri-maso fa soa ihany fa nisy ny fiaraha-mientana eo amin'ny mpiasa ato amin'ity « voirie » ity sy ny fokonolona teny an-toerana dia voafehy tsara ny afo ka tsy niampita tamin'ny manodidina.

Maro dia maro ireo fitaovana kila sy may , raha tsy hilaza afa-tsy ny :
Ampahany amin'ny fitaovana izay hanampiana ireo sekoly sy hanamboarana ny simba amin'izy ireny, ny fitaovana sy kojakoja samy hafa hoentina hanamboarana ny Biraom-pokontany miïsa 18, ampahany amin'ny fitaovana sy kojakoja hanamboarana ny Tsena Sabotsy, ary fitaovana fampiasa sy fanamboarana fiarakodia, izay no tao amin'ny efi-trano ilany, fa raha ny tao amin'ny efi-trano fitehirizana ny atotan-taratasy no asian-teny dia kila sy may ary lasa lavenona avokoa ireo taratasy maro tao.

Ny hoe « avy aiza aloha ny afo ? » dia mbola baraingo mipetraka, fa ny azo antoka dia tsy maintsy ho fantatra izany satria efa eo ampelatanan'ny manam-pahefana isan-tsokajiny ny raharaha.

0 | 2 |

Commenter

#Posté le lundi 30 octobre 2006 22:29

NIANDAHY NIAMBAVY IREO FOKONOLONA TENY AMIN'NY FOKONTANY VOHITRARIVO NIADI-FOTOTRA NY EFI-TRANO SEKOLY FANAMPINY

NIANDAHY NIAMBAVY IREO FOKONOLONA TENY AMIN'NY FOKONTANY VOHITRARIVO NIADI-FOTOTRA NY EFI-TRANO SEKOLY FANAMPINY

Hita fa nitombo be tokoa ireo Ray aman-dreny nampiditra ny Zanany hianatra ato amin'ity Sekoly Vohitrarivo, eto amin'ny Kaominina Ambonivohitra Antsirabe ity, noho izany fitomboan'ny mpianatra izany dia tsy ampy intsony ny efi-trano fianarana miîsa 04 ao aminy, koa tapak'hevitra àry ny fokonolona sy ny mpitondra ary ny Fitambanana Tiako i Madagasikara ao an-toerana fa hanamboatra efitrano fianarana fanampiny, izay ahitana efitra 03.

Ny Sabotsy 21 Oktobre lasa teo no natao ny fangadiana fototra, hita taratra teny an-toerana fa tena niray hina sy niray fo tokoa ny mponina nanatanteraka izany asa masina izany, tonga nitarika ny asa moa ny Lehiben'ny Kartie, RANDRIATSARAFARA Jean Paul, hita tany koa ny Filohan'ny FRAM, ny Talen-tsekoly, ny Mpampianatra, raha bangoina indray mielatra ity asam-pokonolona natao teny amin'ny Fokontany Vohitrarivo ity dia niandahy niambavy ny mponina teo am-panatanterahana ny asa.

Fa hiverena kely ny momba ity Sekoly ity, efitra fianarana 04 no efa mijoro, miampy biraon'ny Tale iray, fa ny ambiny dia io vao nohadiana fototra io, efa nanamboatra vovo fakana rano ihany koa ny fokonolona ho an'ny Sekoly, arakan'ny fanadihadihana natao tamin'Andriamatoa Lehiben'ny Kartier, sy Andriamatoa Talen'ny Sekoly dia hifanome tanàna hanampy amin'izao asa izao Ramatoa Ben'ny Kaominina Ambonivohitra Antsirabe, ny farim-pîadidiam-pianarana antsirabe Voalohany. Mikasika ity Fokontany Vohitrarivo ity ihany dia efa maro ireo zava-bita nohon'ny asam-pokonolona, raha tsy hilaza afa tsy ny Biraom-pokontany isika.

0 |

Commenter

#Posté le mardi 24 octobre 2006 05:01

Modifié le lundi 30 octobre 2006 06:51

140 TAONA NY GAZETY MALAGASY NAHAZO NY ANJARA MOFOMAMINY NY MPONIN'ANTSIRABE

[

g]140 TAONA NY GAZETY MALAGASY NAHAZO NY ANJARA MOFOMAMINY NY MPONIN'ANTSIRABE

Ny renivohitr'I Vakinankaratra no tanàn-dehibe voalohany taoriana ny tananan'Antananarivo nanaovana ny fankalazana ny faha 140 taonan'ny gazety Malagasy. Ny alakamisy 19 oktobra 2006 lasa teo, tao amin'ny efitrano malalaky ny “Pas Perdus”, sy tao amin'ny efitrano lehibe fanaovana fisoratam-panambadiana, samy ao amin'ny kaominina Ambonivohitra Antsirabe no nanamarihana izany fotoana manan-tantara eo amin'ny gazety Malagasy izany. Iry voalohany moa dia nanaovana ny fampirantiana ireo sary samihafa sy gazety tranainy marobe isan-karazany izay samy mirakitra sy mitantara ireo vanim-potoana nifandimby nanamarika sy nolalovan'ny gazety Malagasy hatrany am-boalohany ary nahavory olona maro tokoa. Itsy faharoa farany kosa no nampiantrano ireo olona marobe ihany koa izay tanora mpianatra avy amin'ireo sekoly betsaka sy oniversité katolika ao an-drenivohitr'I Vakinankaratra ny ankamaroany, liana sy nifandimby nametra-panontaniana nandritry ny dinika sy lahateny nentin'ny filohan'ny Holafitra Ruffin Rakotomaharo sy Moks Razafindramiandra, Filohan'ny fikambanana zokiolona mpanao gazety eto Madagasikara. Ny valan-dresaka narahana adi-hevitra voalohany dia nampitondraina ny lohateny hoe : “Ny fahalalahana eo amin'ny sehatra fanaovan-gazety”. Ny faharoa farany kosa dia ny hoe :” La Presse dans le monde”, n any fanaovana sy ny asan'ny gazety maneran-tany”.

Izao hetsika izao moa no tanteraka dia noho ny faniriana sy finiavan'ireo mpanao gazety miara-miasa ao amin'ny tanànan'Antsirabe, ka neken'ny fikambanan'ny mpanao gazety zokiolona avy aty Antananarivo izay tonga maro tokoa, nanao rodobe nidina tany an-toerana, nitondra ireo fitaovana rehetra nilaina tamin'izany fankalazana sy tsingerin-taona faha 140 taonan'ny gazety izany.

Eto dia tolorana fisaorana mitafotafo koa ny Kaominina ambonivohitr'Antsirabe izay tarihin-dRamatoa ben'ny tanana Olga RAMALASON ary nitondra fanampiana goavana tamin'ny fanatanterahana ity hetsika ity. Tolorana fisaorana toy izany ihany koa ireo rehetra nandray anjara tamin'ny fanomezana fanampiana ao an-toerana, olom-boafidy, mpivarotra, olon-tsotra sy ny sisa. Farany dia marihina fa olo-manan-kaja maro sivily sy miaramila no tonga nanatrika sy nanome voninahitra ny fotoam-panokafana, anisan'ireny ny solombavambahoaka Olivier Andrianarivelo.

Jeannot RATSIMBAZAFY

0 |

Commenter

#Posté le lundi 23 octobre 2006 04:36

VOASOKATRA TAMIM-POMBA OFISALY NY TAOM-PIANARANA 2006 – 2007 TETO ANTSIRABE

VOASOKATRA TAMIM-POMBA OFISALY NY TAOM-PIANARANA 2006 – 2007 TETO ANTSIRABE

Toy ny faritra rehetra eto Madagasikara, dia nosokafana tamim-pomba ofisialy ny Alarobia 18 Oktobra 2006, lasa teo ihany koa ny taom-pianarana 2006 – 2007 eto amin'ny faritr'I Vakinankaratra, fanokafana ofisialy izay natao tetsy amin'ny Kianja malalakin'ny Velodrome.

Tonga nanotrona sy nanome voninahitra izay fotoan-dehibe izany ireo mpitantana isan-tsikajiny eo anivon'ny Farim-piadidiam-pianarana eto amin'ny faritra, ny Solom-bavam-bahoaka voafidy taty an-toerana, ny Ben'ny tanàna ary ioreo olo-manan-kaja maro sivily sy miaramila.

Izay rehetra nandray fitenenana dia samy nanamafy fa tena fanoitra ho any amin'ny fampandrosoana hainga sy maharitra ny fanànana mpanabe manana ny lamin'asa maty paika, ary fanabeazana vokajy sy tsara rindra no hatolony hoan'ireo mpianatra izay ho avin'ny firenena rahampitso.

Tamin'io fotoana io ihany koa no nanomezana ny loka hoan'ireo mpianatra mendrika indrindra nandritran'iny taom-pianarana 2005 – 2006 iny iny.

Nofaranana tamin'ny matso lehibe izay notanterahin'ireo mpianatra anarivony tonga tany moa ny fotoana.

0 |

Commenter

#Posté le lundi 23 octobre 2006 01:37

FANKALAZANA NY FAHA 140 TAONA NY GAZETY MALAGASY NATAO TETO ANTSIRABE

FANKALAZANA NY FAHA 140 TAONA NY GAZETY MALAGASY
NATAO TETO ANTSIRABE

Hotohin'ny fankalazana ny 140 taonan'ny Gazety Malagasy, izay natao tao amin'ny Site Ambatonankanga farany teo izay nokarakaraain'ny Journalistes Doyens de Madagascar, dia hatao eto amin'ny tananan'Antsirabe indray izany ny Alakamisy faha 19 Oktobra 2006.

Ireo Mpanao Gazety miara-miasa eto renivohit'i Vakinankaratra miaraka amin'ny Kaominina Ambonivohitra Antsirabe no nitoto nahafotsy sy nahandro nahamasaka izany fanantanterahana izany.

Ny Mpanao Gazety avy ao amin'ny Journalistes Doyens de Madagascar miîsa 15 miaraka amin'ireo fitaovana samy hafa mahakasika ny Gazety Malagasy no ho tonga eto an-toerna amin'io fotoana io.

Toy izao ny Fandaharam-potoana :

Alakamisy 19 Oktobra 2006

Maraina:
10 Ora : Fahatongavan'ireo vahiny nasaina sy Fanokafana ofisialy

11 Ora: Valan-dresaka arahina adi-hevitra mitondra ny lohateny hoe:

« La liberté de Presse dans le Monde »

Hitarika sy hanentana ary hanazava ny momba izany moa ny filohan'ny Olafitrin'ny Mpanao Gazety eto Madagascar: Andriamatoa RUFFIN RAKOTOMAHARO

Hariva :
02 Ora:[/g]Valan-dresaka arahina adi-hevitra
Hitarika sy hanentana ny fotoana dia ny Président des Journalistes Doyens de Madagascar Andriamatoa MOKS RAZAFINDRAMIANDRA
Ankoatr'ireo teboka efa voatondro eo ambony ireo dia misy fampirantiana mahakasika indrindra ny Gazety Malagasy izay samy hanasana antsika mianakavy hitsidika izany
Ireo rehetra voalaza ireo dia samy ho tanterahina ato amin'ny efi-trano malalakin'ny Kaominina Ambonivohitra Antsirabe Avokoa

0 | 1 |

Commenter

#Posté le mardi 17 octobre 2006 00:48

Modifié le mardi 17 juillet 2007 07:39

GAZETY FEON'ANTSIRABE

Description :

Infos

Ses archives (27)

Liens Skyrock Publicité

NIREHITRA NY AFO, KILA TANTERAKA NY EFI-TRANO ROA

Commenter N'oublie pas que les propos injurieux, racistes, etc. sont interdits par les conditions générales d'utilisation de Skyrock et que tu peux être identifié par ton adresse internet (38.107.179.232) si quelqu'un porte plainte.

NIANDAHY NIAMBAVY IREO FOKONOLONA TENY AMIN'NY FOKONTANY VOHITRARIVO NIADI-FOTOTRA NY EFI-TRANO SEKOLY FANAMPINY

Commenter N'oublie pas que les propos injurieux, racistes, etc. sont interdits par les conditions générales d'utilisation de Skyrock et que tu peux être identifié par ton adresse internet (38.107.179.232) si quelqu'un porte plainte.

140 TAONA NY GAZETY MALAGASY NAHAZO NY ANJARA MOFOMAMINY NY MPONIN'ANTSIRABE

Commenter N'oublie pas que les propos injurieux, racistes, etc. sont interdits par les conditions générales d'utilisation de Skyrock et que tu peux être identifié par ton adresse internet (38.107.179.232) si quelqu'un porte plainte.

VOASOKATRA TAMIM-POMBA OFISALY NY TAOM-PIANARANA 2006 – 2007 TETO ANTSIRABE

Commenter N'oublie pas que les propos injurieux, racistes, etc. sont interdits par les conditions générales d'utilisation de Skyrock et que tu peux être identifié par ton adresse internet (38.107.179.232) si quelqu'un porte plainte.

FANKALAZANA NY FAHA 140 TAONA NY GAZETY MALAGASY NATAO TETO ANTSIRABE

Commenter N'oublie pas que les propos injurieux, racistes, etc. sont interdits par les conditions générales d'utilisation de Skyrock et que tu peux être identifié par ton adresse internet (38.107.179.232) si quelqu'un porte plainte.

Skyrock

Infos

Mobile

Langues

Blogs